Disclaimer*: The articles shared under 'Your Voice' section are sent to us by contributors and we neither confirm nor deny the authenticity of any facts stated below. Parhlo PInk will not be liable for any false, inaccurate, inappropriate or incomplete information presented on the website. Read our disclaimer.

پاکستان اس وقت شدید ترین مالی بحران کا شکار ہے اور نئی حکومت کو آتے ہی اس کا سامنا کرنا پڑ رہا ہے ملک کی کمزور معیشت کے بارے میں سارا احوال وزیر اعظم عمران خان نے اپنے پہلے ہی حظاب میں قوم کے سامنے رکھ دیا تھا اور اس کے ساتھ ساتھ انہوں نے قوم کو یہ بھی یقین دلایا تھا کہ اس بار وہ ملک کی معیشت کو گرداب سے نکلنے کے لیۓ آئی ایم ایف کا سہارا نہ لینے کی کوشش کریں گے

آئی ایم ایف کے سخت ترین شرائط  کے قرضوں سے جان چھڑانے کے لیۓموجودہ حکومت ہر اس ذریعے کو استعمال کرنے پر غور کر رہی ہے جس کی مدد سے ملک کو اس معاشی بحران سے باہر نکالا جا سکے وزیر اعظم اور ان کی کابینہ کی نیک نیتی کو دیکھتے ہوۓ ملک کے مختلف حلقوں کی جانب سے قرضےاتارنے کی مختلف تجاویز پیش کی جا رہی ہیں

جیسے کہ مولانا خادم رضوی کا یہ کہنا کہ وہ ایک دن میں پورے ملک کا قرضہ اتار سکتے ہیں اور جب ان سے پوچھا گیا کہ کیسےاتارا جا سکتا ہے تو ان کا کہنا تھا کہ ہم یہ کہہ کر اپنی جان چھڑا سکتے ہیں کہ چونکہ سود لینا اور دینا دونوں حرام ہیں لہذا ہم بیرونی ممالک کو یہ کہہ سکتے ہیں کہ ہم سود نہیں دے سکتے اب بتاؤ قرضہ کتنی اقساط میں واپس لو گے

جب کہ اب اسی طرح کی ایک اور تجویز بھی خیبر پختونخواہ کے پٹھانوں کی جانب سے سامنےائي ہے جس میں ان کا یہ کہنا تھا کہ پاکستان کو اور خاص طور پر سرحدی صوبوں کو یہ اعزاز حاصل ہے کہ وہاں اعلی درجے کی چرس ، حشیش اور ڈوڈا اگائی جا سکتی ہے جس کی بیرونی ممالک میں بہت ڈیمانڈ ہے

کے پی کے کے اس پٹھان بھائی نے وزیر اعظم عمران خان کو قرضہ اتارنے کا انتہائی آسان طریقہ بتاتے ہوۓ کہا کہ اگر وزیر اعظم ان کو اور ان چیسے دیگر کسانوں کو حشیش کی فصل اگانے کی اجازت اور اس کی بیرون ملک سپلائی کی باقاعدہ اجازت دے دیں تو اس سے ایک جانب تو بڑی مقدار میں زر مبادلہ حاصل ہو گا جو کہ ملک کے بیرونی قرضوں کی ادائگی میں مدد گار ثابت ہو گا

اور دوسری جانب اس سے اندرون ملک لوگوں کی معاشی حالت نہ صرف بہتر ہو گی بلکہ وہ ترقی بھی کریں گے اس حوالے سے اس پٹھان کسان کا یہ بھی کہنا ہے کہ قومیں اپنے ملک کے مفاد اور بہتری کے لیے ایسے فیصلے کرتی ہیں اس لیۓ وزیر اعظم صاحب کو بھی چاہیۓ کہ ہماری درخواست پر غور کریں اور اس پر عمل درآمد کی گنجائش پیدا کریں