Disclaimer*: The articles shared under 'Your Voice' section are sent to us by contributors and we neither confirm nor deny the authenticity of any facts stated below. Parhlo PInk will not be liable for any false, inaccurate, inappropriate or incomplete information presented on the website. Read our disclaimer.

تعلیم کی اہمیت سے کسی حوالے سے انکار نہیں کیا جاسکتا ہے بچوں کی تعلیم اور تربیت کی ذمہ داری ماں باپ کے اولین فرائض میں سے ہے اس حوالے سے بچوں کی تعلیمی تربیت کی بنیادی ذمہ داری ماں کے اوپر عائد ہوتی ہے کیوں کہ باپ عام طور پر کمانے کے لیۓ گھر سے باہر ہوتا ہے اور ایک ماں ہی بچوں کے ساتھ زيادہ وقت گزارتی ہے

جیسا کہ ہم سب جانتے ہیں کہ مارچ کا مہینہ پاکستان کے اسکولوں کے اندر سالانہ امتحانات کا مہینہ ہوتا ہے اور اسی سبب والدین دیگر تمام دنوں کے مقابلے میں ان دنوں میں بچے کی تعلیم پر زیادہ سے زیادہ توجہ دیتے ہیں تاکہ بچہ ان امتحانات میں زیادہ سے زیادہ نمبر حاصل کر سکے

ہمارے امتحانی نظام میں کامیاب صرف اسی بچے کو تصور کیا جاتا ہے جو کہ تین گھنٹوں کے ایک پرچے میں رٹے رٹاۓ کچھ سوالات کے جوابات دے سکے اور اگر کوئی بچہ کسی سبب ان جوابات کی انجام دہی میں ناکام ہو جاتا ہے تو اس کو فیل تصور کیا جاتا ہے اور اس بچے کی اس ناکامی کا سارا ملبہ اس کی ماں کے کاندھوں پر ہوتا ہے جو کہ اس بچے کو اس تین گھنٹوں کے پرچے میں کامیاب کروانے کی تیاری کروانے میں ناکام رہی ہوتی ہے

استغفراللہ
پنڈی بھٹیاں میں ماں نے اپنے بیٹے پر ظلم کی انتہا کر دی
یقین نہیں آ رہا کہ ایک ماں ایسا کر سکتی ہے

ہمارا معاشرہ نامعلوم مقام کی طرف بہت تیزی سے گامزن ہے
اللہ پاک ہی ہے ہم سب پر رحم کرے ،آمین pic.twitter.com/a5ZMxSX37W

— شـاہد فـاضل (@Shahid_Faazal) March 11, 2019

اس طرح ایک جانب تو بچے دباؤ کا شکار ہوتے ہیں تو دوسری جانب وہی دباؤ ماں کے اوپر بھی ہوتا ہے جس کے سبب ایسے واقعات بھی سامنے آتے ہیں جو کہ ایک ماں کی ممتا پر بھی سوال اٹھا دیتے ہیں ایسا ہی ایک واقعہ پنڈی بھٹیاں کے علاقے میں بھی پیش آیا جب کہ پڑوسی ایک بچے کی آہ و زاری اور رونے بلکنے کی آوازیں سن کر جب اس کے گھر گۓ تو ان کو پتہ چلا کہ امتحانات کی تیاری نہ کرنے پر بچے کو اپنی سگی ماں نے بد ترین تششد کا نشانہ بنایا

زہنی مریضہ بھی ہو سکتی ورنہ ماں اپنی اولاد کیساتھ ایسے کبھی نہیں کرتی۔

— ضیاء (@ziaGlasgow) March 11, 2019

واقعہ کی ویڈیو میں واضح طور پر دیکھا جا سکتا ہے کہ ماں نے اس بچے کو اس بری طرح مارا کل اس بچے کے جسم کے مختلف حصوں سے خون جاری ہو گیا اور ماں نے اس بچے کو گھر میں تالا لگا کر قید کر دیا تاکہ وہ باہر نکل کر بھاگ نہ سکے اور پرچے کی تیاری کر سکے

واقعے کی ویڈیو کے سوشل میڈیا پر سب کے سامنے آنے کے بعد اس بچے کے والد نے اپنی بیوی کے خلاف پرچہ کٹوا  کر گرفتار کروا دیا ہے اور اس بچے کو طبی امداد بھی فراہم کر دی گئی ہے مگر ماں کا اس بچے کے ساتھ یہ سلوک ہم سب کے لیۓ سوالیہ نشان ہے جن کے مطابق اچھے نمبروں کا حصول ہی درحقیقت بچے اور اس کی ماں کی کامیابی کی دلیل ہوتا ہے